Pul-kredit siyosati maqsadi va tamoyillari
Pul-kredit siyosati
Pul-kredit siyosati - Markaziy bank tomonidan amalga oshiriladigan va iqtisodiyotda narxlar barqarorligini taʼminlashga qaratilgan chora-tadbirlar majmui.
Pul-kredit siyosatining maqsadi
Pul-kredit siyosatining maqsadi - iqtisodiyotda narxlar barqarorligini taʼminlash. Markaziy bank inflyatsiyani past va barqaror darajada bo‘lishini ta`minlash orqali aholi daromadlarining qadrsizlanishini oldini olishga hamda barqaror inklyuziv iqtisodiy oʼsishga zaruriy sharoitlar yaratadi.
Inflyatsion targetlash rejimi
Pul-kredit siyosatining inflyatsion targetlash rejimida inflyatsiyaning maqsadli koʼrsatkichi – targeti belgilanadi hamda Markaziy bankning barcha xatti-harakatlari inflyatsiyaning ushbu target darajasi atrofida boʼlishiga qaratiladi.
Oʼzbekiston Respublikasida 2019 yil 18 noyabrdagi 5877-sonli Prezident Farmoni bilan pul-kredit siyosatining inflyatsion targetlash rejimiga bosqichma-bosqich oʼtishi belgilangan. Mazkur Farmon bilan inflyatsiya boʼyicha target 5 foiz etib belgilangan.
Pul-kredit siyosatining asosiy tamoyillari
-
Inflyatsiya darajasining target (maqsadli) koʼrsatkichi belgilanadi va pul-kredit siyosatining barcha choralari ushbu targetga erishishga qaratiladi;
-
Markaziy bank asosiy stavkasi pul-kredit siyosatini yuritishning asosiy instrumenti hisoblanadi;
-
Pul-kredit siyosati operatsion mexanizmi mustaqil ravishda ishlab chiqiladi va takomillashtirib boriladi;
-
Pul-kredit siyosati boʼyicha qabul qilinayotgan qarorlar va choralar makroiqtisodiy tahlil va prognozlarga asoslanadi;
-
Pul-kredit sohasidagi oʼzgarishlar shaffof tarzda amalga oshiriladi va keng jamoatchilikka batafsil tushuntirib boriladi.
